-- Advertisements --
Ibinunyag ni Russian President Vladimir Putin na mayroong silang mga stocks na bagong missiles.
Ang nasabing missiles ay hindi basta-basta nahaharang at ito ay handa nilang gamitin anumang oras.
Ipagpapatuloy din aniya nila ang pagsasagawa ng testing ng Oreshnik hypersonic ballistic missiles matapos ang matagumpay na testing noong nakaraang araw.
Dahil dito ay nanawagan si Ukrainian President Volodymyr Zelensky sa mga kaalyadong bansa nito na dapat ay doblehin ang kanilang ginagawang pagbibigay ng armas dahil sa tensiyon na nagaganap.
Magugunitang sinimulan na ng Ukraine ang paggamit ng mga missiles na bigay ng US at ibang bansa laban sa Russia na ikinagalit naman ni Putin.
