CENTRAL MINDANAO – Araw-gabi ay nagbabantay ang mga otoridad sa quarantine control point sa hangganan ng Kabacan, North Cotabato at Datu Montawal, Maguindanao.
Tiniyak ni Datu Montawal Mayor Datu Otho Montawal na walang makakalusot sa quarantine control point na hindi dadaan sa thermal scanning.
Nililibot din ng LGU-Datu Montawal ang lahat ng barangay para magbigay ng tulong sa mga residente.
Pinalakas naman ang profiling sa bayan ng Datu Montawal sa mga residente na galing ng Maynila at mga bansa na may nagpositibo sa COVID-19.
Katuwang ng LGU-Datu Montawal sa pinaigting na kampanya laban sa coronavirus disease ang Bureau of Fire Protection, militar, pulisya, MDRRMC at Rural Health Units.
Sa ngayon ay nanatiling COVID free ang bayan ng Datu Montawal.
