Naglabas ang Quiapo Church ng mga patakaran at regulasyon sa mga aktibidad kaugnay ng Pista ng Itim na Nazareno 2023, kabilang ang prusisyon ng “Walk of Faith” sa Enero 8.
Sa isang media conference, hinimok ng Quiapo Church ang mga kalahok na sundin ang mga health protocols laban sa COVID-19 tulad ng pagsusuot ng face mask, madalas na sanitizing ng mga kamay, at social distancing.
Pinayuhan din ng simbahan ang mga kalahok na magdala ng government-issued ID sakaling magkaroon ng emergency.
Ang mga taong may sakit – kabilang ang mga may temperatura ng katawan na mas mataas sa 37.5 degrees Celsius at presyon ng dugo na mas mataas kaysa sa 130/80 pati na rin ang mga taong may namamagang lalamunan, patuloy na pagbahing, ubo, sipon, at maluwag na pagdumi -ay hindi hinihikayat na dumalo sa mga aktibidad
Dagdag dito, ang mga awtorisadong tao lamang ang pinapayagang magkaroon ng command at emergency vehicles, sound system at bullhorns, satellite phones, tents, LED billboards, at pagkain para sa mga volunteer sa panahon ng nasabing pagdiriwang.
Una na rito, ipinagbawal din ng Quiapo Church ang mga kalahok na halikan ang mga imahe ng Itim na Nazareno upang maiwasan ang posibleng pagkalat ng COVID-19 virus.
