-- Advertisements --
HONG KONG – Patuloy na umaani ng samu’t-saring reaksyon ang pagbaril ng Hong Kong police sa isang raliyista nitong umaga.
Nakunan pa ng video at nailabas ito sa Facebook ng live, habang nangyayari ang komusyon.
Makikita sa video ang mga nakaitim at nakamaskarang nagpoprotesta, habang ang mga pulis ay naka-puti at asul na kanilang uniporme.
Sa impormasyon ng straitstimes.com, nangyari umano ito sa Sai Wan Ho District.
Maliban sa nabaril na protester, dinamba rin ng mga pulis ang iba pang nakamaskara para arestuhin.
Nakarinig din ng iba pang putok sa lugar, ngunit hindi pa mabatid kung may ibang tinamaan.
