LAOAG CITY – Hindi inaasahan ni Mr. Adrian Jude Dela Cruz, nagtapos sa Mariano Marcos State University at residente ng Barangay Poblacion dos sa bayan ng Pagudpud dito sa lalawigan ng Ilocos Norte na naging Rank 7 sa Philippine Nurses Licensure Examamination dahil sa nakuha niyang rating na 90.07%.
Ayon kay Dela Cruz, nais lamang niya na makapasa siya sa eksaminasyon ngunit labis ang kanyang pagkabigla nang malaman niyang siya ay nakakuha ng mataas na ratings sa eksaminasyon.
Kaugnay ito, upang makapag-concentrate sa pagre-review ay nag-deactivate siya ng kanyang online account bago ang exam ngunit pagkatapos ng pagsusulit ay muli niya itong in-activate upang maantabayanan ang resulta ng examinasiyon.
Dagdag pa niya, marami siyang hinarap na hamon sa panahon ng kanyang On The Job Training (OJT) sa ospital noong panahon ng COVID-19 pandemic.
Isa sa naging karanasan niya bilang student nurse ay naapektuhan sila ng pandemya na kung saan ay pagkatapos inalis ang mga protocols ay napayagan silang makapasok sa ospital, bagama’t may pangamba pa rin ng pagkahawa sa virus.
Kinuwento ni Dela Cruz, na hindi ang kursong nursing ang kaniyang naunang piniling pasukin kung saan ang kanyang unang pinagpilian ay ang kursong Electronics Engineering at pangalawa ay Agricultural and Bio-systems Engineering.
Idinagdag niya na ang Panginoon at ang kanyang pamilya ang naging inspirasyon niya upang mag-aral ng mabuti at ang Diyos ang nagtulak sa kanya na ipagpatuloy ang pag-aaral at maging masipag.
Sa kabilang dako, ang kanyang ama ay isang seaman at ang kanyang ina ay dating nurse at kung saan siya ang panganay sa tatlong magkakapatid.
Samanatala, nagbigay ito ng payo para sa mga kukuha ng nursing at hindi pinalad na makapasa sa pagsusulit na isapuso ang layunin ng nursing at magmalasakit sa ibang tao nang walang hinihinging kapalit dahil ang kapalit nito ay ang kasiyahan ng pagtulong.
Para naman sa mga hindi nakapasa ay naniniwala siyang will ito ng Panginoon upang mag-improve at maging handa sila ulit sa susunod na pagkakataon.
Sa ngayon, plano ni Dela Cruz na mag-apply muna ng trabaho sa bansa.
