-- Advertisements --
Bumida si Serge Ibaka sa kanyang 3-pointer sa huling 30.4 seconds upang iangat ang Toronto Raptors sa isang puntos na panalo laban sa Indiana Pacers, 119-118.
Ito na ang ika-12 winning streak ng defending champion para sa kanilang best franchise record.
Malaki rin ang naging ambag sa Raptors ni Kyle Lowry na nagpakita ng 32 points, 10 assists at eight rebounds.
Gayundin si Pascal Siakam na nagtapos sa 25 points at nine rebounds.
Una rito, lumamang pa ang Pacers ng hanggang 19 points sa third quarter pero nahabol ito ng Raptors pagsapit ng fourth quarter.
Sa ngayon hawak ng Toronto ang 37-14 record habang ang Pacers naman ay napako sa 31-20.
