Raptors star Lowry sumailalim sa operasyon sa kamay

Sumailalim sa operasyon si Toronto Raptors star Kyle Lowry matapos na magtamo ng damaged ligaments sa kaniyang kaliwang hinlalaki.

Ayon sa koponan, isinagawa ang operasyon sa isang pagamutan sa New York.

Natamo ng All-star point guard ang injury noong Mayo 12 sa panalo ng Raptors sa Game 7 laban sa Philadelphia 76ers Eastern Conference semifinals.

Bagamat may injury ay ipinagpatuloy pa rin nito ang paglalaro hanggang makuha ng Raptors ang kampeonato kontra Golden State Warriors.