Regional High Value Target arestado sa buybust opration, P7.1-Million na shabu nasabat

Arestado ng mga operatiba ang 21-anyos na Regional High Value Target sa isinagawang buybust operation sa kahabaan ng Belgium St., Barangay Pasil, Cebu City.

Kinilala ang nadakip na si Vincent Rodriguez alyas “JB”, may live-in partner at mula sa Barangay Suba, Cebu City.

Sa panayam ng Bombo News Team kay Police Major Francis Renz Talosig, ang hepe ng Sawang Calero Police Station, ipinaliwanag na nakakuha sila ng impormasyon na pinalitan ni “JB” ang dating naarestong alyas “Okong” noong Setyembre 2022.

Narekober sa dinakip ang 1.5 kilo ng shabu na may street value na P7,174,000.

Kasong paglabag sa Section 5 at Section 11 ng Republic Act 9165 o Comprehensive Dangerous Drugs Act of 2002, ang isasampa laban sa mga nabanggit na inaresto.