Dalawang araw matapos sumapit ang Pasko, trending o usap-usapan pa rin ang rendisyon ng K-pop superstar na si Sandara Park sa Pinoy hit song ni Inigo Pascual na “Dahil Sa ‘Yo.”
Kasama ni Dara sa naturang video ang kapwa singer na si Kim Jinhwan na mula sa South Korean boy band na iKON.
Nitong December 25 nang isapubliko ng 36-year-old pop star ang Christmas-themed music video collab nila ni Jinhwan kung saan mabenta sa fans ang kanilang Tagalog skills.
Taong 2016 nang ilabas ng anak ni Piolo Pascual ang kanyang upbeat love song.
Nabatid na kapwa nanatili sa Pilipinas ang dalawang K-pop stars kung saan nag-aral pa sila sa bansa kaya malapit sa puso ng mga Pinoy
Si Sandara ay tinagurian bilang Pambansang Krung Krung mula nang sumali sa isang talent show noong 2004 at nasundan ng matagumpay na acting and singing career bago bumalik sa South Korea.
