CENTRAL MINDANAO- Umapela si Maguindanao 2nd District Congressman Esmael”Toto”Mangudadatu sa naglalabang mga miyembro ng Bangsamoro Islamic Freedom Fighters (BIFF) at Moro Islamic Liberation Front (MILF) na mapayapang lutasin ang kanilang mga hindi pagkakasundo at iwasang maipit ang mga sibilyan sa komunidad.
“I am appealing to our fellow brothers, especially to the BIFF, to lay down their weapons and think about the countless civilians that could be affected as they trade bullets,” ani Mangudadatu.
Ginawa ni Mangudadatu ang apela kasama ang militar at pulisya, pati na rin ang mga opisyal ng lokal na pamahalaan ng Shariff Saidona Mustapha, Maguindanao ay mahigpit na sinusubaybayan ang engkwentro ng MILF at BIFF.
“I call for sobriety for both groups. Put down your arms, sit down, and engage in meaningful dialogues where you can fully express your sentiments and arrive at an agreement. Decades long war hasn’t solved anything,” pagtitiyak ng kongresista.
Dagdag pa ni Mangudadatu na ang digmaan sa Maguindanao ay napakatagal na at paulit-ulit.
Mga kabataan naman ngayon ang nakikipaglaban pagkatapos masawi ang kanilang mga ama,paulit-ulit at dapat tapusin na sa mapayapang paraan.
Dagdag ni Mangudadatu na oras na para sa BIFF na muling likhain ang kanilang sarili sa lipunan at mamuno ng mabunga, produktibong pamumuhay na sibilyan tulad ng mga na-decommissioned na mga miyembro ng MILF, ang BIFF din ay maaaring magkaroon ng parehong pribilehiyo.
Hinikayat din ng opisyal ang BIFF na samantalahin ang mga programa sa socio-economic sa ilalim ng kasunduang pangkapayapaan na nilagdaan ng gobyerno at ng MILF.
Ang mga rebeldeng Moro na nagpalista sa kanilang sarili para sa decommissioning ay binigyan ng pagkakataon na makapag-aral ng bokasyonal sa pamamagitan ng Teknikal na Edukasyon at Skills Development Authority (TESDA).
Maaari rin silang makatanggap ng mga aid packages at cash grants mula sa Department of Social Welfare and Development (DSWD).
“Tuwing may namamatay na miyembro na mula sa kahit anong kampo, may namamatay na pangarap. May nawawalan ng ama, anak, kapatid. May mga nauulila at mangungulilang muli. This has been a sad cycle in Maguindanao. I pray for Allah to make us all instrumental in ending this. Let us break this chain together,” paglilinaw ni Cong Toto.
Batay sa ulat ng mga otoridad,pito sa MILF at apat sa BIFF ang nasawi kung saan marami ang nasugatan at marami ang nagsilikas sa engkwentro ng magkabilang panig sa Sitio Tinolusan Brgy Dasawao Shariff Saydona Mustapha Maguindanao.
Pinuri din ni Mangudadatu ang mga pagsisikap ng Philippine Army at PNP para protektahan ang mga lokal na pamayanan ng Maguindanao,partikular sa 2nd District ng probinsya.
