Nakikipagtulungan ang Philippine Rice Research Institute (PhilRice) sa isang inter-governmental, non-profit organization sa pagtukoy ng potensyal na biocontrol agent na maaaring makatulong sa pag-iwas sa mga infestation ng fall armyworm (FAW).
Sa isang pulong noong Abril 11, muling pinagtibay ng Center for Agriculture and Biosciences International (CABI) ang tulong nito sa pagkontrol sa posibleng paglaganap ng fall armyworm sa mga palayan, na unang naitala sa Cagayan noong Mayo 2021.
Sinabi ni Evelyn M. Valdez, PhilRice senior science research specialist, na sinusubaybayan ng kanilang team ang fall armyworm infestations sa Regions II at III at Cordillera Autonomous Region.
Ang mga nakolektang sample ng fall armyworm na nahawaan ng fungus ay nakolekta sa panahon ng kanilang site monitoring.
Ayon kay Valdez, sa kanilang kasalukuyang kaalaman hinggil sa mga epekto nito sa sistema ng pagsasaka na nakabatay sa bigas at palay sa ating bansa, kinikilala umano nila ang malaking banta nito sa food security.
Lalo pa aniya’t ang mga magsasaka ay ang pangunahing gumagamit ng mahal at potensyal na nakakapinsalang synthetic pesticides para makontrol ito.
Kaya naman, humihingi umano sila ng tulog sa Center for Agriculture and Biosciences International experts para tumulong na matukoy ang isang potential biocontrol agent.
Kasabay nito, ipapadala nila ang mga sample para sa karagdagang pagsusuri pagkatapos nilang ma i-isolate at masuri ang mga specimen.
