Umabot na sa P70 kada kilo ang mga retail price ng special rice sa ilang pamilihan sa bansa.
Ito ay sa gitna ng patuloy na pagtaas ng halaga ng mga pangunahing bilihin.
Batay sa monitoring ng Department of Agriculture, tumaas ng P2 kada kilo ang retail price ng local special rice mula sa P68 kada kilo.
Ang retail price ng local premium rice ay umabot sa P67 kada kilo, local well-milled sa P57 at local regular rice P53 kada kilo.
Sinabi ni Federation of Free Farmers national manager Raul Montemayor na umabot sa P30 kada kilo ang farmgate price ng palay sa Tarlac.
Ang nasabing halaga ay mula sa humigit-kumulang P25 (kada kilo) mula Oktubre hanggang Nobyembre noong nakaraang taon.
Kaugnay nito, nagbabala rin si Watchdog Bantay Bigas spokesperson Cathy Estavillo sa pagtaas ng bilang ng nagugutom habang patuloy na tumataas ang presyo ng palay.
Ayon sa DA, ang bansa ay may hindi bababa sa 100-araw na suplay ng bigas, at ang tanging alalahanin ay ang gastos sa pagtitingi habang ang presyo sa international market ay patuloy na tumataas.
