CENTRAL MINDANAO- Patay on the spot ang isang guro nang mabangga ng pickup sa Kidapawan City.
Nakilala ang biktima na si Milagros Soledad,60 anyos,may asawa, retired teacher ng Malibatuan Elementary School at residente ng Barangay Poblacion Arakan Cotabato.
Ayon sa ulat ng pulisya, kababa lamang ng biktima sa isang pampasaherong bus at diritsong tumawid sa national highway sa Ist gate ng Cotabato Provincial Capitol sa Barangay Amas Kidapawan City nang mabangga ito ng isang Nissan Strada Pickup.
Dahil sa tindi nang pagkabangga ng guro ay tumilapon ito at agad binawian ng buhay.
Sumuko naman sa pulisya ang driver ng pickup na si Hardeep Gill na umanoy isang Indian National.
Sa ngayon ay nagpapatuloy ang imbestigasyon ng Kidapawan City PNP Traffic Section sa naturang pangyayari.
