-- Advertisements --
Palaisipan ngayon sa Hollywood fans ang ulat ng hiwalay na ang Riverdale on and off-screen couple na sin Cole Sprouse at Lili Reinhart.
Batay sa report ng US Weekly, nakita ng ilang fans na tila nagiiwasan ang dalawa nang dumalo sa isang Comic Convention (Comic-Con) kamakailan.
Ito ay kahit kasama pa nila ang mga kapwa bida sa hit US-series na Riverdale.
Kung maaalala, unang nakita ang dalawa na nagtambal sa nasabing programa bilang sina Jughead Jones at Betty Cooper.
Nasundan ito ng pagpopost nila sa Instagram ng larawan at sweet messages ng isa’t-isa.
Nitong nakaraang taon nang isapubliko nina Jones at Reinhart ang kanilang relasyon.(US Weekly)
