Nagbabala ngayon ang Land Transportation Franchising and Regulatory Board (LTFRB) laban sa mga kolorum na jeep na bibiyahe bukas kasabay ng pagpapahintulot sa mga roadworthy jeepney na bumiyahe na sa mga piling ruta sa Metro Manila.
Ayon kay LTFRB Technical Division Head Joel Bolano, bukas ay magpapatupad na rin agad sila ng road side inspection para siguruhing ang mga rehistrado at karapat-dapat lamang na jeepney ang bibiyahe.
Hiniling din nito sa mga drivers ng mga pinayagang unit ng jeepney na sa halip na kumuha ng special permit para makabiyahe ay i-download na lamang sa kanilang website ang kani-kanilang mga QR code saka iprint at ilagay sa kanilang mga sasakyan.
Nagpaliwanag naman ang LTFRB kaugnay sa mga napiling rutang dadaanan ng mga bibiyaheng jeep.
Sinabi ni Bolano na ang 49 na ruta kasi ay siyang mga accessible na mga kalsada na magkokonekta sa mga main thoroughfares na kinaroroonan naman ng mga bus.
Dagdag niya, kailangan din kasi ng mga sasakyan sa mga tinatawag na feeder routes na maghahatid ng mga pasahero sa mas malalaking ruta at doon na puwedeng sumakay ng bus o iba pang sasakyang pinayagan nang bumiyahe.
Bukas aabot sa 6,002 traditional public utility jeepneys (PUJs) ang bibiyahe sa loob at labas ng National Capital Region (NCR).
Narito ang mga ruta ng jeep na pinayagang bumiyahe bukas:
T102 Camarin – Novaliches
T103 Karuhatan – Ugong
T104 Malabon – Monumento via Letre
T105 Malabon (TP) – Navotas (TP)
T107 Monumento – Navotas via Letre
T205 Cubao – Proj. 4 via J.P. Rizal
T206 Cubao – San Juan via N. Domingo
T208 IBP Road – Lupang Pangako via Gravel Pit Road
T209 Marikina – Pasig
T210 Pantranco – Proj. 2 & 3 via Kamuning
T211 Proj. 2 & 3 – Q Mart
T212 Sucat-Highway – Bagumbayan
T213 Ayala – Pateros via JP Rizal
T215 Marikina – Pateros via Pasig
T301 A. Boni – A. Mabini via 10th Ave
T302 A. Bonifacio – D Tuazon/E. Rodriguez Ave.
T303 A. Rivera – Raon via Severino Reyes
T305 Ayala – Mantrade via Pasong Tamo
T306 Ayala – Washington
T309 Balic-Balic – Quiapo via Lepanto
T310 Balic-Balic – Bustillos via G. Tuazon
T311 Balic-Balic – Espana/M. Dela Fuente
T312 Balintawak – Frisco
T313 Balut – Blumentritt
T314 Blumentritt – North Harbor via Divisoria
T316 Boni – Kalentong JRC via Boni Avenue
T317 Dian – Libertad
T318 Divisoria – Gastambide via Morayta
T320 Divisoria – Pier North via Plaza Moriones
T321 Divisoria – Quiapo via Evangelista
T322 Evangelista – Libertad
T323 Divisoria – Velasquez
T324 Guadalupe Market – L. Guinto via Pasig Line
T326 L. Guinto – Sta. Ana
T327 Herbosa/Pritil – P. Guevarra via Tayuman
T328 Kalentong/JRC – P. Victorino via P. Cruz
T330 Divisoria – Sta. Cruz via San Nicolas
T331 Kayamanan C – PRC via Pasong Tamo
T332 L. Guinto – Zobel Roxas via Paco
T333 Lardizabal – Rizal Ave. via M. Dela Fuente
T334 Lealtad – Quiapo (Barbosa) via Lepanto
T335 Kalentong/JRC – Libertad (Mandaluyong) Nueve de Pebrero
T336 Kalentong/JRC – Namayan via Vergara
T338 North Harbor – Quiapo via Evangelista
T340 P. Faura – San Andres
T343 Quezon Ave. – Sta. Mesa Market via Araneta Avenue
T344 Crame – San Juan via Pinaglabanan
T401 Alabang – Sucat via M.L. Quezon
T402 Soldiers Hill (Phase IV) – Talon via Alvarez
