-- Advertisements --
Nag-init nang husto si Duncan Robinson upang bitbitin ang Miami Heat tungo sa 104-98 panalo kontra sa Sacramento Kings sa kanilang exhibition game.
Nagsalpak ng limang 3-points si Robinson, na nagtapos na may 18 points.
Umalalay din sina Tyler Herro na kumamada ng 15 points at anim na rebounds, habang umiskor ng 11 si Andre Iguodala.
Tumipa naman ng 19 markers at limang boards si Buddy Hield, at nagdagdag din ng 13 points si Nemanja Bjelica para sa Sacramento.
Nakakuha rin ng 12 points ang Kings kay DaQuan Jeffies at 11 kay Kent Bazemore.
Sunod na haharapin ng Miami ang Utah Jazz at Memphis Grizzlies.
Habang makakasagupa naman ng Sacramento ang Milwaukee Bucks at Los Angeles Clippers.
