-- Advertisements --
Inaresto ng mga kapulisan si Houston Rockets guard Kevin Porter Jr dahil sa pananakit.
Ayon sa kapulisan ng New York, nirespondihan nila ang isang tawag at agad na tinungo ang hotel kung saan nandoon si Porter.
Nahaharap ito sa kasong felony counts of assault at strangulation.
Nakita nila ang 26-anyos na babae na nagtamo ng sugat sa kanang bahagi ng mukha nito at pananakit ng leeg.
Hind na binanggit pa ng kapulisan ang pagkakakilanlan ng babae subalit maraming mga nakasaksi na ito ay nobya ni Porter na dating WNBA player.
Dinala na sa pagamutan ang biktima habang ang 23-anyos na si Porter ay nakakulong na.
