ROXAS CITY – Parang may magnet ang rockets na pinapalipad ng Hamas militants sa Israel.
Ito ang pagsalarawan ni Philip Caragos, tubong Capiz at caregiver sa Israel sa mga rockets na mula sa militanteng hamas.
Ayon kay Caragos nadiskubre ng Israel na parang may magnet ang rocket dahil kung saan ang target ng hamas ay doon ito tumatama.
Walang tigil ang pagpapalipad ng rockets ng hamas kung saan nasa kala-gitnaan kami ng interview kay Caragos ng tumunog ang sirena, hudyat na may paparating na rocket.
Biglang nawala sa linya si Caragos dahil pumasok ito sa bomb shelter para magtago.
Aminado ito na dahil sa giyera sa pagitan ng Israel at Hamas ay nagkaphobia ito at nakaramdam na ng takot na baka ang kanilang tinitirhan ang matamaan ng rocket.
Samantala naka-alerto sila at in constant communication sa embahada ng Pilipinas sa Israel.
