Posibleng umabot sa mahigit $1 million ang presyo sa auction ng pirmadong rookie card ni NBA star LeBron James.
Ayon sa Goldin Auctions ang LBJ 2003-2004 Upper Deck Exquisite card ay isa sa 23 nagawa kung saan ito ay pang-14.
Mayroong kondisyon ito na 9.5 o tinatawag na “gem mint” at good as new.
Pirmado mismo ni James ang card na kulay asul na tinta at bukod pa dito ay mayroong actual patch mula sa jersey nito sa Cleveland Cavaliers.
Noong 2003-2004 ay mayroong 21 points per game, 6 assists at 5.5 rebounds ang average ni James at sa taong din yun ay nakuha niya ang Rookie of the Year.
Sisimulan ang pag-bidding sa Hunyo 22 sa card na may size na 2.5 inch by 3.5 inch.
Inaasahan ng Goldin Auctions na malalampasan ng LBJ card ang ultra-rare card ng baseball great na si Mike Trout na naibenta sa halagang halos $923,000.
