Roxas Boulevard-EDSA flyover northbound, isasara simula bukas

Simula bukas ay sisimulan na ang mga installation work sa Roxas Boulevard-EDSA flyover (northbound) sa Pasay City,

Batay sa advisory na inilabas ng DPWH-South Manila District Engineering Office (SMDEO), mula bukas, Dec 26 ay magtatagal ang mga installation work hanggang sa Disyembre-30.

Kabilang sa mga gagawin dito ng DPWH ay ang paglalagay ng karagdagang dalawang expansion joints sa Roxas Boulevard EDSA Flyover.

Tinitiyak naman ng ahensiya ang on-time na pagtatapos ng naturang proyekto.

Dahil dito, sinabi ng DPWH na maaaring maapektuhan ang daloy ng trapiko sa mga kakalsadahang pa-Norte o Northbound at pinayuhan ang mga motorista na piliin na lamang muna ang mga alternatibong ruta.