LAOAG CITY – Kinumpirma ni Barangay Kagawad George Calsada sa Barangay Bacsil North dito sa lungsod ng Laoag na nakita ng ilang residente ang sanggol na hinihinalag itinapon a basurahan.
Ayon kay Calsada, agad itong pumunta sa lugar kung saan nakita pa niya na presko pa ang dguo ng sanggol na lalaki.
Sinabi naman ni Mr. Jimmy Ventura, mismong bayaw at pamangkin nito ang nakakita sa sanggol na nasa basurahan kaninang madaling araw habang papunta sila sa bukid.
Inihayag pa nito na may nakita itong dalawang babaeng naka-flashlight malapit sa basurahan kung saan narinig pa niyang tumatwa ang isa sa mga ito.
Hindi naman nito makumpirma kung ang nakita niyang mga babae ang nagtapon sa sanggol sa basurahan, at sa kanila namang barangay ay wala umanong buntis.
Hinala pa nito na puwedeng sa lugar mismo nanganak ang ina ng sanggol base na rin sa dugo nito.
Samantala, agad namang inilibing ang sanggol malapit rin sa lugar kung saan ito nakita.
Sa ngayon ay iniimbestigahan na ang pangyayari kung sino ang nagtapon sa sanggol.
