-- Advertisements --
VIGAN CITY – Natagpuang naaagnas ang isang sanggol na lalaki sa isang bakanteng lote sa Brgy. San Pedro sa bayan ng Narvacan, Ilocos Sur.
Sa panayam ng Bombo Radyo Vigan kay Carolina Carsola, nakakita sa sanggol, bago matagpuan ang sanggol alas sais ng hapon kahapon naglinis umano ito sa bakanteng lote ngunit wala pa ang baby sa lugar.
Aniya, kaninang umaga binalikan ni Carsola ang lugar upang lagyan ng takip ang butas kung saan ito naglinis ngunit nagulat ito ng matagpuan ang bangkay ng sanggol na naaagnas.
Sa ngayon patuloy ang imbestigasyon ng Narvacan Municipal Police Station kung sinu ang posibleng nagtapon sa bangkay ng sanggol at tinitignan ng PNP ang rekord ng barangay kung mayroong mga buntis na nanganak sa lugar.
