Pinagtibay ng Supreme Court (SC) ang desisyon ng Commission on Audit (COA) na hindi pinapayagan ang pagbibigay ng mahigit ₱15 million allowance at incentives ng Philippine Health Insurance Corporation (PhilHealth) na mga empleyado para sa taong 2009 at 2010.
Sa isang hatol kamakailan, itinanggi ng SC ang petisyon ng PhilHealth na hinahamon ang notice of disallowances (NDs) ng Commission on Audit sa PhilHealth Regional Office IV-A sa pagkakaloob ng iba’t ibang benepisyo na nagkakahalaga ng ₱15.2 million.
Ipinasiya ng mataas na hukuman na dapat ibalik ng mga tatanggap ang mga halaga hindi alintana kung natanggap nila ang mga ito nang may mabuting loob o hindi.
Ang mga auditor ng estado ay dati nang naglabas ng mga notice of disallowances o ND, na sumasaklaw sa allowance sa transportasyon, project completion incentive, at education allowance na binabayaran sa mga regular at contractual na empleyado.
Dagdag pa dito, ang iba umano ay lumalabag sa 2009 at 2010 General Appropriations Acts.
Sumang-ayon naman ang mataas na hukuman at sinabing ang transportation allowance at project completion incentive ay taliwas sa probisyon sa mga job order contracts na ang tanging kabayaran sa contractor ay ang daily rate na napagkasunduan.
Una na rito, walang batas o issuance mula sa Department of Budget and Management na nagpapahintulot sa educational assistance na ibinibigay sa mga regular na empleyado ng bansa.
