-- Advertisements --
TACLOBAN CITY – Arestado ang isang school principal sa Calbayog City, Samar, sa isinagawang buy bust operation ng mga otoridad sa Barangay Obrero sa naturang lungsod.
Ayon kay Rogellette Urgel, tagapagsalita ng Philippine Drug Enforcement Agency-Regional Office 8, kinilala ang nahuling high value target na si Arnold Abellar, 46-anyos na principal at residente ng nasabing barangay.
Nabili mismo mula sa suspek ng nagpanggap na poseur buyer ang isang plastic sealed sachet na may laman na pinaghihinalaan na shabu.
Nakuha rin sa suspek ang dalawang pirasong heat sealed plastic sachet na may laman na white crystalline.
Nahaharap naman sa ngayon ang suspek sa kasong paglabag sa Republic Act 9165.
