Schwarzenegger, bibigyan ng tulong mga batang walang makain dahil sa lockdown

Nakipagkasundo ang beteranong actor na si Arnold Schwarzenegger sa sikat na video platform na TIKTOK para sa kapakanan ng mga mag-aaral.

Ayon sa dating California governor at actor, nais niyang tiyakin na walang magugutom na mag-aaral habang nakasara ang mga paaralan dahil sa banta ng coronavirus disease o COVID-19.

Sa nasabing kasunduan, magbibigay ng $3 million ang TikTok bilang tulong pagkain sa mga mahihirap na pamilya sa US.

Katuwang ng nasabing video platform ang After-School All-Star program para ito ay maisakatuparan.