CENTRAL MINDANAO-Inihayag ni Kabacan Cotabato Incident Commander on Covid-19 at MHO Dr. Sofronio T. Edu, Jr. na isasagawa ang second dose ng mga Category A1, A2, at A3 ngayong darating na July 22, 2021.
Batay sa datos ng tanggapan mayroong hagit 400 ang inaasahang makakatanggap ng second dose ng sinovac vaccine ngayong huwebes.
Dagdag pa ni Edu, ang mga nabakunahan noong June 22-24, 2021 ang inaasahang tatanggap ng nasabing ikalawang bakuna.
Gaganapin ang nasabing pagbabakuna sa Municipal gym 8AM hanggang hapon.
Sa oras na matanggap na ng mga ito ang bakuna, aabot na sa higit kumulang anim na raan na ang nabakunahan sa bayan.
Samantala, hinikayat ni ABC Pres. Evangeline Pascua-Guzman ang mga BHW, BHERT, at BLGU na ipagbigay alam sa kanilang mga nasasakupan ang nasabing iskedyul ng bakuna.
