-- Advertisements --
CEBU CITY – Arestado ang isang lalaki na itinuturing na No. 4 sa provincial drug list matapos ang isinagawang buy bust operation ng pinagsanib pwersa ng Negros Oriental at Dumaguete PNP sa Brgy. Tabuc-Tubig, Dumaguete City Negros Oriental nitong Biyernes ng gabi.
Kinilala ang suspek na si Joel Cimafranca, 41-anyos, isang security guard at residente ng nabanggit na lugar.
Nakumpiska sa nasabing operasyon ang isang pakete ng hinihinalang shabu na nagkakahalaga ng aabot sa P6,800 at ang buy bust money.
Nahaharap ngayon si Cimafranca sa kasong paglabag sa Republic Act 9165 o Comprehensive Dangerous Drugs Act of 2002.
