DAGUPAN CITY- Patuloy sa pagbuhos ng mga deboto at turista sa Minor Basilica of Our lady of Manaoag sa bayan ng Manaoag, Pangasinan magmula pa noong Linggo ng Palaspas
Ayon kay Police Major Rinwick Alamay, hepe ng Manaoag PNP, tinatayang nasa 1,000 bisita ang nagtungo sa simbahan nitong nagdaang araw lamang.
Tiniyak naman ng hepe na nakaalerto na ang kanilang hanay para matiyak ang seguridad ng mga bisita.
Sapat naman ang kanilang personnel na magbabantay dahil nag-request ang kanilang hanay ng augmentation force mula sa PNP Provincial Office, counterparts sa Armed Forces of the Philippines at sa Engineering Brigade.
May mga nakahanda aniyang designated parking areas para sa mga deboto na may dalang sasakyan na inaasahang parating pa lamang.
Samantala, tiniyak naman nito na walang pagtaas sa parking fees.
