CENTRAL MINDANAO-Nilibot mismo ni Midsayap Cotabato Mayor Rolly Sacdalan at Vice-Mayor Vivencio Deomampo ang lahat ng mga sementeryo sa bayan.
Magkatuwang ang 92nd IB, PNP, Cafgus, RHU, MDRRM, TMU, Barangay Councils, BPATs at iba pang mga volunteers sa pagpapatupad ng seguridad sa bawat sementeryo.
Naglagay ng police assistance desk sa mga sementeryo at naglilibot ang mga otoridad para matiyak ang seguridad ng mga bumibisita sa mga himlayan.
May libreng sakay naman ang LGU-Midsayap sa mga walang masakyan papunta ng sementeryo.
Bawal rin ang magdala ng baril,kutsilyo at inumin sa loob ng sementeryo.
Maaga pa lang ay may nagbabantay na papasok at palabas ng sementeryo lalo na ang mga nagmementina ng traffic situation.
Panawagan ni Mayor Sacdalan sa lahat magtulungan,sumunod sa batas at magkaisa tungo sa mapayapa na paggunita ng undas.
