Patuloy na nagsusumikap sa pagbibigay ng tulong para sa mga mamamayang Pilipino sa buong bansa ang opisina ni Sen. Bong Go. Sa pagkakatong ito ay nagbigay tulong ang senador sa mga biktima ng sunog sa Magpet, North Cotabato noong Miyerkules, Pebrero 15.
Isinagawa ang pagbibigay ng grocery packs, damit, meryenda, face masks, mga bitamina at mga bola para sa basketball at voleyball sa Municipal Social Welfare and Development Office ng Magpet sa dalawang residente na naapektuhan ng insidente ng sunog.
Ang Department of Social Welfare and Development ay nagbigay din ng tulong pinansyal upang matulungan ang mga benepisyaryo na makabangon mula sa insidente.
“Asahan niyo po na hinding-hindi po kayo pababayaan ng gobyernong palaging nagmamalasakit sa inyo. Ipaglalaban ko po palagi ang inyong kapakanan lalo na yung mga walang-wala — mga naghihirap, mga helpless at hopeless at walang ibang matakbuhan,” ani ng senador sa kanyang video message.
Malaki ang naging parte ng senador sa pagsasabatas ng Bureau of Fire Protection Modernization Act of 2021 upang mas mapaigi ang kakayahan ng asensya sa pagpugso ng sunog upang matiyak ang mas mahusay na pagtugon sa mga nasabing insidente mula sa gobyerno.
Ang nasabing batas na pangunahing insinulat at itinaguyod ng senator, ay nag-aatas sa mga mieymbro ng BFP na sumailalim sa sampung-taong modernization program na nagtatalakay sa pagkuha nga mga bagong modernong kagamitan sa sunog, pagkuha ng karagdagang mga empleyado o tauhan at pagbibigay ng specialized training para sa mga bumbero, bukod sa iba pa.
“Karagdagang kagamitan, firefighters at monthly education campaigns para turuan ang ating mga kababayan na mag-ingat, ‘yan po ang BFP Modernization Act. Bawat bahay na nasusunog, nadadamay ang kapitbahay. Kaya dapat doble ingat tayo,” ayon sa senador.
“Alam ko pong napakahirap ng panahon ngayon pero tandaan po natin na ang pera po ay kinikita, ang gamit po ay nabibili, pero ang pera na kikitain ay hindi po nabibili ang buhay. A lost life is a lost life forever. Kaya mag-ingat po tayo palagi,” karagdagang sabi nito.
Bukod dito, bilang pinuno ng Senate Committee on Health and Demography, nag-alok ang senador ng kargdagang tulong sa mga benepisyaryong nangangailangan ng tulong medikal at pinayuhan silang humingi ng serbisyo sa Malasakit Center sa Cotabato Provincial Hospital sa Kidapawan City.
Unang itinatag noong 2018, ang Malasakit Centers ay naglalayon na maging one-stop shop para sa mga programang tulong medikal tulad ng pagbibigay ng libreng gamot, laboratoryo, surgeries at iba pang serbisyo na inaalok ng gobyerno, kabilang na ang DSWD, Department of Health, Philippine Health Insurance Corporation at Philippine Charity Sweepstakes Office.
“Kung may nararamdaman po kayo, kung sakit man sa puso o kung ano pa pong sakit, ‘wag niyo na pong patagalin pa. Naiintindihan ko po na minsan ay nag-aalangan ang iba na magpatingin sa hospital pero may Malasakit Center na po diyan sa Cotabato Provincial Hospital kaya napakadali na pong kumuha ng tulong galing sa gobyerno,” ani ng senador.
Noong 2022, nagbigay suporta rin ang senador sa pagpapatayo ng isang Super Health Center sa Kidapawan City at sa mga bayan ng Banisilan, Libungan at Arakan – ang huling personal na ininspeksyon ng senador noong Oktubre ng nakaraang taon.
Ngayong taon, magtatayo rin ng mga Super Health Center ang senador sa bayan ng Magpet, Aleosan, Midsayap, Pigcawayan, President Roxas, at Tulunan. At isa pang Super Health Center ang ipapatayo sa Kidapawan City.
Ang Super Health Center ay isang pinabuting bersyon ng isang rural health unit na nag-aalok ng mga serbisyong medikal at pangkalusugan kabilang na ang database management; out-patient; birthing; isolation; diagnostic (laboratory: x-ray and ultrasound); pharmacy and ambulatory surgical units.
Bukod pa sa mga nabanggit, mayroon ding serbisyo para sa mata, tainga, ilong at lalamunan (EENT); oncology centers; physical therapy; rehabilitation center; at telemedicine na kung saan maaring suriin at bigyang kagamutan ang mga pasyenteng mga nasa malalayong lugar.
Ang senador ang nagbigay daan sa pagpopondo sa pagtatayo ng 307 Super Health Centers sa buong bansa noon 2022.
Matagumpay din niyang naisulong ang karagdagang pondo para sa 2023 health budget upang matiyak ang pagpapatayo ng mga karagdagang Super Health Center.
Bilang Vice Chair ng Senate Committee on Finance, suportado rin ni Sen. Bong Go ang pagpapatayo ng Arakan, Natutungan at Bangbang barangay hall sa Matalam; pagsesemento ng farm-to-market and local roads in Alamada, Banisilan, Libungan, Midsayap at President Roxas; pagpapatayo ng mga tulay sa Arakan, Kabacan at Tulunan; at pagpapatayo o rehabilitasyon ng mga drainage canal sa Kabacan at Pikit; at pagpapatayo ng mga system facility para sa inuming tubig sa Tulunan.
