VIGAN CITY – Bangkay na nang matagpuan ang isang senior citizen sa Barangay Alincaoeg, Sta. Lucia na umano’y nagbigti.
Nakilala ang biktima na si Marcelino Gapang Sr., 65-anyos na residente sa nasabing lugar.
Natagpuan ang bangkay nito sa loob mismo ng kanilang bahay na nakabitin at wala nang buhay.
Sa nakalap na impormasyon ng Bombo Radyo Vigan kay Pol. Capt. Juan Jhayr Maggay, madalas umano itong hindi nakakatulog sa gabi at kahapon sana ang nakatakdang medical checkup nito ngunit dahil sa takot ay hindi siya nagpunta.
Tiwala naman ang kanyang asawang si Josefina na walang foul play sa pagkamatay ng biktima.
Magkasama pa raw kasi silang natulog ngunit pagsapit ng madaling araw ay hindi nito inakala na magagawang magbigti ng kanyang mister.
Sinasabing takot ang biktima na siya ay mapag-alamang positibo sa Coronavirus Disease 2019 (COVID-19) dahil sa kanyang iniindang karamdaman.
