-- Advertisements --
TACLOBAN CITY – Patay ang isang senior citizen matapos itong magpatiwakal sa loob mismo ng kanilang tahanan sa Barangay 39 Calvary Hill, Tacloban City.
Kinilala ang biktima na si Alfredo Salud Jr., 62, residente ng nasabing lugar.
Ayon kay Maj. Daniel Polo, station commander ng Abucay Police Station 2, nadiskubre na lamang ng kapatid ng biktima na nakabitin na ito at wala ng buhay.
Base sa imbestigasyon ng mga kapulisan nakakaranas ng depresyon ang biktima at ilang araw na rin itong balisa at wala sa sarili.
Wala namang nakikitang foul play ang mga otoridad sa nasabing insidente.
