Senior citizen, natagpuang patay

TACLOBAN CITY — Natagpuang patay ang isang senior citizen sa loob ng kaniyang kubo sa Barangay Sta Cruz, Mahaplag Leyte.

Nakilala ang biktima na si Melecio Cali, 63 taong gulang at residente ng naturang lugar.

Ayon kan P/Senior Master Sgt. Joseph Falye, duty investigator ng Mahaplag MPS, na pinaniniwalaang nasa mahigit isang linggo nang patay ang biktima dahil nasa state of decomposition na ito.

Napag-alaman na ang biktima ay mag-isa lang naninirahan sa naturang kubo na nasa mabundok na parte ng Mahaplag.

Naniniwala naman ang pamilya ng naturang lolo na ang matagal na nitong sakit na chronic ulcer ang naging dahilan ng kaniyang kamatayan.

Samatala, wala namang nakikitang foul play ang mga kapulisan sa naturang insidente.