CENTRAL MINDANAO-Dead on the spot ang isang senior citizen nang magulungan ng isang pampasaherong bus sa probinsya ng Cotabato.
Nakilala ang nasawi na si Mariam Membala habang sugatan ang driver ng motorsiklo na si Maite Lumambas,kapwa senior citizen at mga residente ng Barangay Malapag Carmen Cotabato.
Ayon sa ulat ng Carmen PNP na nag-overtake ang motorsiklo na sinakyan ng mga biktima sa bus sa bahagi ng Brgy Aroman Carmen Cotabato.
Ngunit biglang nawalan ng kontrol ang driver ng motorsiklo kaya nabangga nito ang kanang bahagi ng bus.
Tumilapon ang angkas ng motorsiklo at pumasok sa ilalim ng Rural Transit bus kaya agad itong binawian ng buhay.
Nagtamo naman ng minor injuries ang driver ng motorsiklo na agad dinala sa pagamutan.
Sumuko naman sa pulisya si Peregrino Gregorio, 50 anyos, may asawa, Rural Transit Mindanao Incorporated Bus Driver, at residente ng Lapaz 11, Lapasan, Cagayan De Oro City.
Nasa kustodiya sa ngayon ng Carmen PNP ang driver ng bus at ang mga sasakyang nasangkot sa aksidente.
