-- Advertisements --
Nagtamo ng second degree burn sa kanang bahagi ng likod at braso ang isang senior citizen sa nangyaring sunog kanina sa Unit 2, Opra Kalunasan nitong lungsod ng Cebu.
Natanggap ng Cebu City Fire Office ang alarma pasado alas 11:40 ng umaga at tuluyan namang naapula ang sunog pasado alas 12:14 na ng tanghali.
Nagsimula pa umano ang sunog sa bahay ng isang kinilalang Edgard Estrella, 70 anyos na siyang sugatan sa insidente.
Inihayag pa ng ilang mga residente na nakarinig umano sila ng malakas na putok bago sumiklab ang sunog.
Agad naman itong kumalat sa mga kalapit na kabahayan.
Apektado sa ngayon ang apat na pamilya na binubuo ng 20 indibidwal habang nag-iwan naman ang sunog ng P600,000 na pinsala.
