CAGAYAN DE ORO CITY – Hindi hadlang sa ilang mga doctors ang paggising ng maaga at bumiyahe ng ilang oras para magbigay ng tulong sa mga kapus palad nating mga kababayan sa Bombo Medico 2019 ngayong araw.
Ito ay dahil sa kagustuhan ding makatulong sa kapwa ay hindi alintana ng team physicians ng Seventh Day Adventist o SDA Medical Center ang dalawang oras na biyahe galing Iligan City upang makapunta lamang sa Capitol University Gym sa Cagayan de Oro.
Sinabi ni Cheryl Generato, Human Resource Director ng SDA Medical Center na bukod sa presensya ng kanilang mga medical team, magdadala rin sila ng karagdagang mga gamot upang mas marami pa ang mabibigyan ng serbisyong medical, dental at optical.
Maliban sa medical, dental at optical mayroon ring libreng masahe, feeding at iba pang mga serbisyo na libreng ibibigay sa mga magpunta sa Capitol University Gym ngayong araw sa lungsod.
