Siakam, Leonard bumandera sa 115-105 win ng Raptors sa Nets

Tumabo ng 28 points at 10 rebounds si Pascal Siakam, na dinagdagan ni Kawhi Leonard ng 26 points upang magapi ng Toronto Raptors ang Brooklyn Nets, 115-105.

Nagtapos ding may 23 points at 12 rebounds si Serge Ibaka para sa Raptors, na kinakailangang magwagi sa huli nilang tatlong laro para maduplika ang franchise record victories nila noong nakalipas na season.

Sumandal naman ang Nets kay D’Angelo Russell na bumuslo ng 27 points, pitong rebounds at anim na assists para sa Nets.

Dahil dito, nalaglag sa 39-40 ang kartada ng Brooklyn na lalong nagbigay pahirap sa kanila para makapuwesto sa playoffs.

Kasabay nito, tabla na rin sila sa Orlando Magic sa ikapitong puwesto sa standings.