-- Advertisements --
Mistulang kinumpirma na ng singer na si Sheryn Regis ang romantic relationship nila ng YouTuber na si Mel de Guia.
Sa pamamagitan ng kaniyang Instagram account ay nagpost ito ng larawan habang kasama si de Guia kung saan sila ay naka-“twinning” outfit.
Gayunman, simpleng kulay itim na puso lang ang caption sa nasabing larawan.
Lumabas ang usapin na magkarelasyon ang dalawa nang kasama ang “Come In Out of The Rain’ singer sa in-upload na TikTok video ni Mel.
Bumuhos naman ang pagbati para sa dalawa mula sa kapwa singer at artista.
Sa panig ni Mel na isa ring negosyante, nag-post din ito ng sweet picture nila ng 42-year-old singer kung saan sila ay magkayakap.
