CENTRAL MINDANAO-Opisyal ng nagsimula ang pagdiriwang ng Midsayap Sining-Saya 2023 nitong gabi ng Biyernes sa Midsayap Municipal Plaza. Ang pagdiriwang ay bahagi ng 2023 National Arts Month na may temang: “Ani ng Sining, Bunga ng Galing.”
Pinangunahan ni Midsayap Cotabato Mayor Rolly “Ur Da Man” Sacdalan ang opening program, kasama ng kanyang mga kasamahan sa pamahalaang local ng bayan.
Layunin ng pagdiriwang na maisapuso ng mga Midsayapenyos ang kahalagan ng sining at kultura.
Kagabi samu’t saring pagtatanghal ang nasisilayan hanggang mula sa mga mag-aaral ng Southern Christian College. Nagkaroon din ng acoustic performances pagkatapos ng kanilang pagtatanghal.
Tuloy-tuloy ang mga pagtatanghal-kultura bawat gabi sa Midsayap Municipal Plaza. Kasabay nito ang food park na matatagpuan sa parehong lokasyon.
