GENERAL SANTOS – Kumbinsido si Magdaleno Duhilag, General Athletic Manager sa SOCCSKSARGEN Region na kung hindi man malalapsan ay mamintina ng rehiyon ang pang-apat na puwesto nito noong Palarong Pambansa 2019.
Sa panayam ng Bombo Radyo GenSan, inamin nito na ang preparasyong ginawa ng mga atleta kasama ang kanilang coaches ay nagsimula talaga sa zero.
Pagkatapos ng 2023 SOCCSKSARGEN Regional Athletic Association (SRAA) Meet, nagsagawa kaagad ng pagsasanay.
Aniya, kanilang nakita ang pananabik ng mga atleta sa kasagsagan ng practice lalong-lalo na ang mga mayroong individual event.
Dagdag nito, halos ng lahat ng individual events ang tiyak na hahakot ng gold medal tulad sa arnis, taekwondo, gymnastics, swimming at table tennis.
Habang pinuri naman nito ang organisadong paghahanda ng Local Government Unit ng Makati City sa Palarong Pambansa 2023.
