Hinimok ng mga lider ng Mababang Kapulungan ng Kongreso ang Philippine National Police (PNP) na suriin ang mental fitness ng mga tauhan nito matapos ang matinding galit na ipinakita ng isang pulis sa pag-aresto kay dating Pangulong Rodrigo Roa Duterte.
Kasabay nito, nanawagan sina House Assistant Majority Leader Zia Alonto Adiong, na namumuno sa Ad Hoc Committee on Marawi Rehabilitation and Victims’ Compensation, ng Lanao del Sur at Deputy Majority Leader Paolo Ortega V ng La Union sa PNP na patibayin ang proseso ng recruitment ng PNP.
Ibinigay nila ang mungkahing sa isang press conference bilang reaksyon sa galit na ipinakita ni Patrolman Francis Steve Fontillas ng Quezon City Police District (QCPD) sa kanyang vlog matapos arestuhin si Duterte.
“Kasi kailangan talaga ‘yung I think the PNP has to make a very strong measure in determining the psychological capacity of all the recruits. Kasi of course bibigyan mo ‘yan ng baril, bibigyan mo siya ng responsibility,” ani Adiong.
Sumang-ayon si Ortega at sinabing dapat isaalang-alang ng PNP, National Police Commission (Napolcom), maging ng Armed Forces of the Philippines (AFP) at iba pang katulad na ahensya, hindi lamang ang pisikal na kakayahan ng mga bagong pulis kundi pati ang kanilang mental na kalagayan.
“Nandyan naman na yung Napolcom eh… siguro it’s in within their best interest na sila naman po ‘yung nakatutok na rin po diyan, and sabi nga po natin um um may recruitment po dyan,” aniya.
“Sabi ko nga, usually kasi po dyan ‘yung matibay po saka nakaka-last sa physical exam, nakaka endure po dun sa physical side ng pagiging parte po ng kapulisan o ano man, Armed Forces,” dagdag niya.
“Siguro dito makikita natin na kailangan na rin pong bigyan ng weight saka emphasis po ‘yung other na criteria, like ‘yung on the mental side. Saka maganda po na yung evaluation nito is parang mas ano talaga…na mas may improvement or mas may stringent yung pagpili natin,” sabi pa ni Ortega.
Ayon kay Adiong, tila may pinagdaraanan si Fontillas.
“Nakita ko ‘yung portion ng kanyang ah video video, ‘yung vlog. So I guess something is troubling this guy no. I mean it’s beyond his passion of vlogging. I think some something is not right. The choice, his choice of words. Ah, hindi lang yung passion ng ah pagba-vlog no? Something is troubling. I hope he finds the help that he needs,” aniya.
Sang-ayon din ang mambabatas mula Mindanao sa pahayag ng mga opisyal ng PNP na ang mga pulis ay dapat manatiling hindi kampi sa anumang panig sa pulitika.
“So pero dun naman sa pagsabi niya, klaro naman ‘yun eh. Because if you’re an officer, if you’re a uniformed man, you’re uniformed officials, especially PNP and even civil servants, bawal po maging partisan. Ah, that’s under the Constitution. That’s under the Omnibus Election Code,” ani Adiong.
Sinabi rin niya na ipinagbabawal ng Code of Ethical Standards for Public Officials and Employees ang mga kawani ng gobyerno na makilahok sa partisanong aktibidad sa pulitika.
“I think within the PNP, you have to remain apolitical, they have to remain true to their mandate. They have to remain loyal to the government, to the flag and to the country. Whatever politics that they may have had personally…should not be used as a means to voice it out and then insite violence, because that is contrary to what they have sworn in as policemen,” dagdag niya.
Muling iginiit ni Adiong na, “personal level, I think he needs some help.”
Samantala, may inihain ng kasong administratibo laban kay Fontillas ang QCPD. (END)
