South African President tinawanan dahil sa hirap na pagsuot ng facemask

Tampulan ngayon ng katatawan ang ginawang pagsuot ng facemask ni South African President Cyril Ramaphosa.

Sa kumalat na video sa internet, makikitang tila hindi kabisado ng nasabing pangulo ang pagsuot ng facemask.

Isinagawa nito ang pagsuot ng facemask matapos ang national TV announcement niya na luluwagan ang ipinapatupad na lockdown.

Dahil dito ay kumalat sa internet ang #MaskOnChallenge #CyrilMaskChallenge.

Tinawanan na lamang ng pangulo ang nagawa nito at nagbirong magsasagawa na lamang siya ng TV channel na nagtuturo sa mga tao kung paano magsuot ng facemask.