-- Advertisements --
Patay ang South African rapper Costa Titch matapos na mawalan ng malay ilang oras matapos na magtanghal sa isang music festival.
Ang 28-anyos na singer na si Constantinos Tsobanoglou sa tunay na buhay ay bigla na lamang natumba matapos ang pagkanta nito.
Nakatayo pa ito subalit muli itong natumba at tuluyang namatay.
Hindi naman binanggit ng kaanak nito ang tunay na sanhi ng kamatayan ng singer.
Labis naman ang kalungkutan ng organizers ng Ultra South Africa music festival matapos na mabalitaan ang pangyayari sa singer.
Bago naging rapper ay sumikat ang Nelspruit native sa pagsasayaw.
Sumikat siya sa buong Africa kung saan ilang milyon na rin ang followers niya sa mga social media.
