Pinuri ni Speaker Ferdinand Martin Romualdez ang paglagda sa Reciprocal Access Agreement (RAA) sa pagitan ng Pilipinas at Japan at sinabing isang “crucial moment ” ito para sa enhanced defense cooperation sa gitna ng mga hamong kinakaharap sa rehiyon.
Sinabi ni Romualdez na ang landmark ng kasunduan ay nagpapahintulot sa pinalawak na partisipasyon ng mga Japanese forces sa joint military exercises tulad ng “Balikatan” sa pagitan ng Pilipinas at Estados Unidos, na nagmamarka ng isang makabuluhang hakbang pasulong sa mga pagsisikap sa panseguridad sa rehiyon.
Binigyang-diin ni Romualdez ang kahalagahan ng RAA sa pagpapahusay ng mga kakayahan sa pagtatanggol sa isa’t isa at pagpapatibay ng mas malalim na estratehikong ugnayan sa pagitan ng Maynila at Tokyo.
Dagdag pa ni Speaker na ang RAA ay patunay sa nakabahaging pangako upang mapanatili ang regional stability at security, pagpapalakas sa ating defense capabilities at muling pagpapatibay sa strategic partnership ng Pilipinas at Japan.
Binibigyang-diin nito ang maagap na diskarte ng Pilipinas sa pagtugon sa mga hamon sa seguridad at pagtataguyod ng isang patakarang nakabatay sa internasyonal na kaayusan.
