-- Advertisements --
Kinumpirma na rin ni WBC at IBF welterweight champion Errol Spence ang nakatakda nilang bakbakan ni Sen. manny Pacquiao sa buwan ng agosto.
Ayon sa 31-anyos na wala pang talo, “done deal” na nga ang kanilang kontrata at magaganap ito sa Las Vegas.
Tinawag pa niya itong “biggest fight of the year.”
“Done deal, I’ll see y’all in Vegas for the biggest fight of the year,” ani Spence sa kanyang Instagram account.
Dineklara naman ni Sean Gibbons, ang presidente ng Manny Pacquiao MP Promotions, magiging makasaysayan ang laban ni Pacman sa edad niyang 42-anyos.
Umugong din ngayon ang isyu na posibleng isagawa ang laban nina Pacquiao at Spence sa Allegiant Stadium, na siyang home base ng NFL Las Vegas Raiders.
