Hindi na matutuloy ang paghaharap nina Manny Pacquiao at Errol Spence Jr.
Ito ay matapos na magtamo ng eye injury ang undefeated American boxer.
Ayon sa World Boxing Association, natamo ni Spence ang torn retina sa kaniyang kaliwang mata habang ito ay nasa training para sa laban sana ng dalawa sa darating na Agosto 22.
Nagdesisyon na rin ang WBA na ipalit si welterweight champion Yordenis Ugas laban kay fighting senator.
Si Ugas ay nakatakda sanang idepensa ang kaniyang titulo sa undercard ng dalawa.
Sinabi ni Spence na labis siyang nanghihinayang dahil hindi niya makakalaban si Pacquiao.
Sabik na aniya ito sa laban subalit nakita ng doktor ang injury sa mata kaya minarapat na isailalim ito sa operasyon.
Nadiskubre lamang ang nasabing injury ni Spence, sa pre-fight medical examination ng Nevada State Atlethic Commission sa Las Vegas.
Dahil dito ay umuwi na ang boksingero mula sa Las Vegas para sa operasyon.
