-- Advertisements --
Hindi pa tiyak ng San Antonio Spurs kung kailan makakabalik sa trabaho ang kanilang head coach na si Gregg Popovich.
Dinala sa Pagamutan ang beteranong NBA coach noong nakaraang mga araw dahil sa hindi umano maganda ang kaniyang pakiramdam.
Sinabi ni Spurs assistant Mitch Johnson na siyang tumatayo ngayong interim head coach, na nagpapagaling lamang sa ospital si Popovich.
Hindi na nagbigay pa ng anumang detalye kung ano ang lagay ng 75-anyos na head coach.
Si Popovich ay itinuturing na NBA coaching leaders na mayroong 1,390 coaching wins, 170 postseason wins at mayroong limang NBA championship titles.
Nasa pang-29th season na ito at nagwagi ng tatlong NBA coach of the Year Awards.
