CENTRAL MINDANAO-Patay on the spot ang isang kawani ng City Government ng Cotabato sa pamamaril nitong gabi ng Huwebes sa lalawigan ng Maguindanao Del Norte.
Nakilala ang biktima na si Faizal “Popeye” Malaguiok,Singer at Staff ni Cotabato City Mayor Datu Bruce Matabalao.
Ayon sa alkalde na pinagbabaril ang biktima ng mga hindi kilalang suspek sa bahagi ng SPDA Datu Odin Sinsuat Maguindanao Del Norte.
Nagtamo ng maraming tama ng bala sa katawan ang biktima kaya agad itong binawian ng buhay.
Hustisya ang sigaw ng pamilya,mga kasamahan sa trabaho,kaibigan at kakilala sa sinapit ni Popeye.
Kinondena naman ni Mayor Matabalao ang pamamaril ng kanyang Staff na kilala niyang mabait at pala-kaibigan.
Sa ngayon ay nagpapatuloy ang imbestigasyon ng Datu Odin Sinsuat PNP sa pamamaril patay sa biktima.
