Ginawaran bilang Best FM Station of the Year ang 102.7 Star FM Manila, ang music station ng Bombo Radyo Philippines, sa Gawad Dangal Filipino Awards na ginanap sa lungsod ng Paranaque.
Natanggap ng Star FM ang parangal bilang pagkilala sa kontribusyon nito sa mundo ng media.
Ang Star FM Manila ay kilala hindi lamang sa magagandang musika, kundi pati na rin sa pagbibigay impormasyon, patunay na ang himpilan ay ang music station ng number 1 and most trusted radio network in the country.
Samantala, natanggap din ng Station Manager ng Star FM Manila na si Rizzele Anne Escaño o mas kilala bilang si Star DJ Gabby ang Best FM DJ of the Year.
Star studded ang prestihiyosong awards night, na dinaluhan ng mga kilalang personalidad sa mundo ng showbiz, kabilang na sina Eva Darren, Carmi Martin, Roderick Paulate, Sheryl Cruz, Dulce, Gino Padilla, Kris Lawrence, Denise Laurel, at Randy Santiago.
Lubos naman ang pasasalamat ng Star FM Manila sa pagkilalang natanggap.
Ang Gawad Dangal Filipino Awards, sa pangunguna ng award-winning director na si Romm Burlat, ay natatanging pagkilala sa mga personalidad at organisasyon na nagtataglay ng integridad at kahusayan sa kani-kanilang larangan.
