Bumaba ang imbentaryo ng bigas ng bansa noong Disyembre, ngunit tiniyak ng gobyerno na sapat ang suplay na tatagal hanggang sa susunod na harvest season.
Lumabas sa ulat mula sa Philippine Statistics Authority na bumaba ng 25 porsiyento ang stock ng bigas sa 1.90 million metric tons (MT) mula sa 2.53 MT na naitala sa parehong panahon noong 2022.
Ang pinakahuling tala ay bahagyang mas mababa ng 4.2 porsiyento kaysa sa stock noong Nobyembre 2023 na 1.98 milyong MT.
Bumaba ng 54.4 porsyento ang supply ng bigas mula sa National Food Authority (NFA), na may bahaging tatlong porsyento sa kabuuang imbentaryo, kumpara sa parehong panahon noong 2022.
Sinundan ito ng sektor ng sambahayan, bumaba ng 33.2 porsyento, at ang commercial sector, bumaba ng 8.7 porsyento.
Buwan-buwan, naitala ang pagbaba sa lahat ng imbentaryo ng bigas kung saan ang mga stock mula sa commercial sector ay bumaba ng 5.5 porsiyento, NFA depositories ng 5.1 porsiyento, at ang sektor ng sambahayan ng 3.0 porsiyento.
Una nang sinabi ng Department of Agriculture noong Disyembre noong nakaraang taon na ang bansa ay may sapat na suplay ng bigas na naka-target na tatagal hanggang Marso o Abril na sinusuportahan ng mga import mula sa Vietnam at India, bukod sa iba pang mga bansa.
